Edon Hasani ishte një nga lojtarët që iu shtuan në fund listës së Partizanit për të veshur fanelën e kuqe. Mesfushori shkodran është në periudhë riaftësimi pas një dëmtimi që e ka mbajtur prej 6 muajsh jashtë fushës së blertë.
Operacioni në gju e detyroi 29-vjeçarin të mbyllte kontratën në Turqi për t’u rikthyer sërish në Shqipëri. Ai prej shumë ditësh stërvitet individualisht, ndërsa së fundmi ka nisur përgatitjet me top.
Eksperienca dhe cilësitë në fushën e blertë, e bëjnë atë një vlerë të shtuar për Partizanin. Megjithatë shkodranit i duhet ende shumë kohë që të jetë gati për të kuqtë.
Fantazisti ende s’është bashkuar me grupin për t’u stërvitur dhe vetëm pas 1 muaji pritet të jetë gati për të dhënë kontributin e tij te 16 herë kampionët e vendit./ Newsport.al
