Ambjentalisti, Sazan Guri në një interviste të dhënë për Fax News foli për vendimin që Gjykata e Shkallës së Parë në Durrës dha sot për mbylljen e çështjes Veliera dhe pushimin e hetimeve ku në këtë mënyrë i jep mundësinë vazhdimit të punimeve.
Guri u shpreh se këtë betejë do ta vazhdojnë edhe në shkallë të tjera të gjyqësorit deri në Gjykatën Kushtetuese.
“Të dyja apelet që ne i kemi çuar në rikurs në Gjykatë të Lartë janë marrë njëra me orarin dhe njëra është marrë me statusin e shoqatës. Gjyqin e Shkallës së Parë që ne e kemi fituar dhe me këtë gjyq ne do të shkojmë në Gjykatën e të Drejtave të Njeriut. Shpresojmë edhe tek Gjykata e shkallës së Lartë edhe në Gjykatën Kushtetuese kemi për të shkuar edhe pastaj do të shkojmë më lartë. Këta sot gozhduan historinë, arkeologjinë, kulturën, trashëgimin shqiptare përfundimisht e gozhduan si Krishti 2000 vjet më para.
Në qoftë se projekti do 6 miljonë të ndërtohet ai projekt do 500 mijë euro gjysmë milioni të shkatërrohet. Ai projekt do të shkatërrohet për 1 vit për 2 vjet do të vijë një ditë durrësakëve do të zgjohen nga gjumi, shqiptarët do të zgjohen nga indiferentizmi . Jemi të bindur se aty fshihen 7 civilizime që nuk i ka bota, por i ka Durrësi”- u shpreh Guri.