Istanbulspor është kthyer në një koloni të vogël shqiptarësh. Eduart Rroca, Kristial Abazaj dhe Valon Ethemi janë pjesë e ekipit të divizionit të dytë të futbollit turk. Objektivi është ngjitja në elitë dhe Istanbulspor ndodhet në rrugën e duhur.
Ekipi renditet në vend të dytë dhe sot po fiton 1-2 në fushën e Altay. Miqtë e mbyllën pjesën e parë në avantazh të dyfishtë falë golave të Rrocës dhe Ethemit (Abazaj po e ndjek takimin nga pankina).
Rroca zhbllokoi takimin pas gjysmë ore lojë. Fantazisti goditi menjëherë pas një topi të ardhur nga krahu i djathtë, duke realizuar një gol të bukur. I gjashti sezonal për 27-vjeçarin nga Librazhdi, i cili numëron edhe plot 8 asiste në kampionat, shifër që nuk e ka arritur askush deri tani.
İstanbulspor'un 61 numaralı Arnavut futbolcusu Eduart Rroca Altay karşısında takımını 1-0 öne geçirdi. Bu sezon çok iyi bir katkı verdi ve devam ediyor. pic.twitter.com/sxRWrXw9oM
— Burak Zihni 🇹🇷 (@burakzihni61) February 1, 2021
Në minutën e parë shtesë të fraksionit të parë të sfidës, erdhi edhe goli i Ethemit. Mesfushori 23-vjeçar mori një asist nga Rroca, marshoi drejt portës kundërshtare dhe ia doli të mposhtë portierin vendas me një goditje të saktë.
Ky ishte goli i parë me Istanbulspor për ish-futbollistin e Kukësit. Ethemi gjeti akordin me klubin turk në ditët e para të janarit dhe ia ka dalë të gjejë menjëherë një fanellë titullari te skuadra e re. /abcnews/
