Komiteti i Ekspertëve në një deklaratë për mediat këtë të hënë kanë bërë një bilanc në kuadër të numrit të pacientëve në spitalet Covid.
Shefja e Shërbimit Infektiv në Tiranë, Najada Çomo, në fjalën e saj ka bërë me dije se në të katër spitalet Covid është rritur numri i pacientëve të shtruar dhe ajo që vlen për tu veçuar sipas saj është se dhe moshat e reja të shtruara po paraqesin komplikacione.
Çomo tha se numri i të infektuarve pritet të rritet, ndërsa iu bëri thirrje qytetarëve që të mbajnë maskat.
“Është parë një shtim i numrit të të infektuarve dhe të shtruarve. Të shtruarit në spitale janë ato në formën e moderuar të rëndë apo të fundit.
Kjo shifër tregon një trend në rritje dhe në të gjithë Shqipërinë pritet një shtim i numrit të pacientëve kemi pacientë nga 30 deri në 90 vjeç dhe fasha më e prekur është ajo 50-60 vjeç.
Dhe pacientët në moshë të re janë në gjendje të rëndë. Përveç vaksinës mbajtja e maskës dhe ruajtja e distancimit fizik është arma kryesore”, tha Çomo.
