Orges Shehi do të zhvillojë sot ndeshjen e parë si trajner i Tiranës në transfertë kundër Apolonisë. Ish-futbollisti i Skënderbeut dhe Partizanit, zëvendësoi të larguarin Nevil Dede ndërsa kërkon ta nisë me këmbën e mbarë aventurën e tij te bardheblutë.
Ndaj fierakëv ai pritet të hedhë në fushë artilerinë e rëndë. Lajmi mirë për Shehin është rikthimi i dy kampionëve. Elton Kale dhe Jurgen Çelhaka mund të luajnë nga minuta e parë në sfidën me Apoloninë. Në stërvitjen e djeshme, durrsaku ka provuar disa herë një formacion me dy lojtarët kampionë të Shqipërisë, të cilët për arsye dëmtimi nuk aktivizohen që pas sfidës me Young Boys-in.
Me Kalenë dhe Çelhakën në fushë, 11-shja anti-Apoloni mund të ndryshojë. Grent Halili mund të ulet në stol, ashtu si edhe Toli të spostohet në krahun e djathtë, pasi Toshevski nuk u stërvit dje me ekipin. Në portë e nis Bekaj, ndërsa në mbrojtje, Toli Najdovski, Hoxhallari dhe majtas Ismajlgeci.
Në mesfushë Batha, Çelhaka dhe para tyre Torasa. Në sulm Kale, Seferi dhe Muçi. Nëse Shehi nuk vendos për Kalenë dhe Çelhakën, do të luajnë Halili dhe Giamfi. Për sa i përket Vairinenit, dje Shehi e provoi edhe vetëm në sulm si dhe bashkë me Seferin.
Formacioni i mundshëm i Tiranës:
4-2-3-1: Bekaj; Toli Najdovski, Hoxhallari, IsmajlGeci; Batha Çelhaka; Kale, Torassa, Muçi; Seferi
