Trupi i pajetë i një shtetasi shqiptar, rreth 35 vjeç, është gjetur në ishullin Paro në Greqi.
Sipas mediave greke, trupi i pajetë është gjetur nga kalimtarë të rastit, të cilët kanë njoftuar policinë.
Nga të dhënat paraprake u zbulua se viktima kishte plagë në kokë, të cilat nuk dihet nëse janë shkaktuar kur ka rënë apo kemi të bëjmë me një vrasje.
Policia ka nisur hetimet në vendin ku ka nodhur ngjarja. Ekzaminimi mjeko-ligjor pritet të hedhë dritë mbi shkaqet e vdekjes së burrit.
