Bashkia e Shkodrës ka përditësuar të dhënat lidhur me situatën e përmbytjeve, ndërsa ajo vazhdon të jetë problematike.
Nga monitorimi në terren ditën e sotme datë rezulton që sipërfaqja e zonave të përmbytura është 2785 hektarë.
Bashkia Shkodër në kushtet e ndodhura kërkon shpalljen e gjendjes së fatkeqësisë natyrore, për Njësinë Adimiistrative Ana e Malit dhe Dajç. Gjithashtu kërkohet që nga Drejtoria e Ujitjes dhe Kullimit Lezhë të ndërhyhet për marrjen e masave për pastrimin e “përroit të kufirit” Muriqan në Nj.A Ana e Malit.
Po kështu kërkohet mbështetje me bazë ushqimore për gjënë e gjallë ( koncentrat) për NJ.A. Ana e Malit , Dajç dhe Rrethina për një sasi 500 ton.
Informacion i detajuar
Sipërfaqe totale e përmbytur 2785 Ha
1. Tokë e pakultivuar 588 Ha
2. Foragjere të dyta, jonxhe 1960 Ha
3. Grurë 130 Ha
4. Bimë Dekorative 77 Ha
5. Pemëtore 27 Ha
6. Sera 3 Ha
Ndërkohë, hidrometri në Dajç në orën 08.30, shënon kuotën 6.50 m (Kuota max 6.30 m).
Në krahasim me raportimin e ditës së djeshme kemi rënie të nivelit të ujit me 10cm.
Hidrometri i Liqenit të Shkodrës në orën 08.30,shënon kuotën 8.82 m
(Kuota max 8.70 m).
Në krahasim me raportimin e ditës së djeshme kemi rënie të nivelit të ujit me 5cm.
Hidrometri i lumit Drin në orën 08.30,shënon kuotën 7.05m (Kuota max 7.50 m).
Në krahasim me raportimin e ditës së djeshme ka rënie të nivelit të ujit me 30cm.
Lumit Kir ka prurje të shumta.
Bashkia Shkodër në kushtet e ndodhura kërkon shpalljen e gjendjes së fatkeqësisë natyrore, për Njësinë Adimiistrative Ana e Malit dhe Dajç.
Kërkohet që nga Drejtoria e Ujitjes dhe Kullimit Lezhë të ndërhyhet për marrjen e masave për pastrimin e “përroit të kufirit” Muriqan në Nj.A Ana e Malit.
Kërkohet mbështetje me baze ushqimore për gjënë e gjallë ( koncentrat) për NJ.A. Ana e Malit , Dajç dhe Rrethina për një sasi 500 ton.
