Juventusi ka arritur të mposhtë Sampdorian në transfertë me rezultatin 2-0 në ndeshjen e vlefshme për javën e 20-të në Serie A.
Juventusi arriti të shënojë që në rastin e parë serioz të krijuar. Po luhej minuta e 20-të kur Alvaro Morata asistoi te Federico Chiesa i cili nuk e kishte të vështirë të shënonte për 1-0.
Zonja e Vjetër ka mundur të shtojë epërsinë në pjesën e parë, por Cristiano Ronaldo dështoi nga dy raste të mira.
Me fillimin e pjesës së dytë Fabio Quagliarella kishte rastin më të mirë për vendasit, por pa sukses. Për të vulosur fitoren e bardhezinjve mendoi Ramsey. Juan Cuadrado pasoi bukur për uellsianin i cili në portën e boshatisur nuk e kishte të vështirë të shënonte.
Me këtë fitore Juventusi shkon në kuotën e 39 pikëve, shtatë më pak se Milani, por ka një ndeshje më pak të zhvilluar.
