Mirel Josa debuton në mënyrën më të mirë në krye të ekipit të Kukësit duke marrë një fitore 4-0 në transfertën ndaj Skënderbeut.
Ishte një fillim fantastik për verilindorët që do të shënonin dy gola në 7 minutat e para. Fillimisht realizoi Ibraimi me një të majtë të bukur, ndërkohë që dy minuta më pas Limaj përfitoi nga përgjumja e mbrojtjes korçare.
Në minutën e 33-të, Leira Dos Santos shënoi golin e tretë duke hipotekuar fitoren që në pjesën e parë. Në fraksionin e dytë Vesel Limaj realizoi golin e katërt, ndërkohë që korçarët po përjetojnë një krizë të madhe, pasi gjenden në fundin e tabelës.
Kukësi u ngjit në vendin e katërt me 26 pikë.
Kastrioti fitoi betejën e mbijetesës kundër Bylisit minimalisht 1-0. Golin e vetëm e shënoi Daci në fillimin e pjesës së dytë.
