16-vjeçarja K.Beqiri e cila në bashkëpunim me Julian Kiptiun dhunuan një të moshuar në Lushnjë me qëllim për ta grabitur është lënë në ‘detyrim paraqitje’. Ndërkohë, ndaj Kiptiut është marrë masa ‘arrest me burg’ për 20 ditë.
Gjykata e Lushnjes ka shqyrtuar paraditen e sotme çështjen në prani edhe të psikologes.
Ditën e djeshme, e moshuara Lume Zela, 64-vjeçe, është mashtruar nga vajza e cila është shtirur se ishte e sëmurë, që të futej brenda në shtëpi.
Aty, 16-vjeçarja e spërkati gruan me spraj lotsjellës në fytyrë dhe teksa e dhunonte e ka mbyllur në një nga dhomat e shtëpisë së saj, me qëllim grabitjen e banesës.
Në banesë dyshohet se ka hyrë edhe 18-vjeçari Julian Kiptiu, që sipas raportimeve mediatike është i dashuri i vajzës dhe që të dy kontrolluan nëpër dhoma për sende me vlerë dhe para, por pasi nuk gjetën gjë, janë larguar që aty.
Lexo edhe:
“Më jep pak ujë”/ Zanafilla e dhunimit të së moshuarës nga 16-vjeçarja dhe i dashuri i saj
