Kryetari i Partisë Demokratike, Lulzim Basha ka reaguar lidhur me deklaratat e bëra më herët nga kryeministri Edi Rama.
I pyetur nga gazetarët lidhur me akuzat e opozitës se një grup oligarkësh kontrollojnë pasuritë e vendit, Rama u shpreh se “nuk ka në Shqipëri ndonjë që të më detyrojë mua apo qeverinë tonë që të marrim vendimin që shkon në interes të tij e në dëm të interesit të publikut”.
Në një reagim në Twitter, Basha shkruan: “Me kë tallet akoma ky? Për 8 vjet Rama i ka shërbyer vetëm vetes, miqve të tij, ortakëve të tij, por jo shqiptarëve. Për 8 vjet shqiptarët kanë humbur, Rama dhe miqtë e tij kanë fituar. Shqiptarët duan ndryshim. Ndaj me 25 prill Shqipëria fiton dhe Rama humb”.
