Prokuroria e Posaçme Kundër Krimit të Organizuar dhe Korrupsionit kishte autorizuar përgjimet telefonike dhe ambientale për drejtuesin e Kadastrës në Berat disa muaj më parë.
Ky veprim nga ana e SPAK ka ardhur pas dyshimeve se ky zyrtar nxirrte problematika artificiale për dosjet në proces legalizimi me qëllim marrjen e përfitimeve të paligjshme.
Një përgjim i gushtit të 2020-s mes kreut të Kadastrës dhe një punonjëse ishte prova kryesore që SPAK paraqiti të enjten në gjykatë kundër Ervin Nelajt.
Përgjimet e SPAK:
Drejtori: Hajde
Punonjësja: Të kujt? Aman se sma mban më se…
Drejtori: 60, 65, 70, 75
Punonjësja: Të kujt ? Të voglin ça e ka ai, Dallavenin. Kujt të vogël mo?
Drejtori: Po ai që thoshe ti që është afër…
Punonjësja: Diskaniti…. Po dale se Diskani s’është bërë akoma
Drejtori: Po ça e ke këtë Diskanin?
Punonjësja: Akoma dhe Diskani është shkëmb. Jo Ledon, prit njëherë
Drejtori: Ç’a t’i bësh Diskanit?
Punonjësja: Se Elda tha unë e kam parë te noterja, nuk është ashtu fare
Drejtori: Mirë na mbajti ti këto se mos i prish unë
Punonjësja: Ti prish unë
Drejtori: Unë i prish
Punonjësja: Lëri një çik tek sirtari se vij i marr unë më vonë ndoshta
Drejtori: Këtu te sirtari janë, te sirtari i parë
Punonjësja: E se vij unë tani për dy sekonda me ndonjë dosje
Drejtori: Dosje, na mo, dosjen ku i ke çu
Megjithëse në përgjim implikohet edhe një punonjëse e kadastrës, SPAK ka vendosur të mos kërkojë masë sigurie ndaj saj për shkak të rrethanave familjare si nënë e një fëmije dy muajsh, por ta hetojë në gjendje të lirë.
