Një sasi prej 500 litra raki është kapur në portin e Barit pasi mbërriti me traget nga Shqipëria. Sasia e rakisë ishte fshehur në bordin e një autobusi pa dokumentacion tregtar dhe shëndetësor që legjitimonte transportin e tij.
Zyrtarët e Agjencisë së Doganave dhe Policia Kufitare denoncuan shoferin e autobusit, i cili zbriti nga një traget nga Shqipëria.
Pas një kontrolli të kryer në autobus në portën e doganave, 85 bidona plastikë që përmbanin sasinë e rakisë u gjetën të fshehura në një ndarje brenda autobusit. Shoferi akuzohet për krime të kontrabandës dhe transportit të paautorizuar të produkteve që i nënshtrohen akcizës.
Një mostër e produktit u dërgua në Laboratorin Kimik të Doganave të Barit në mënyrë që të dihet klasifikimi i saktë doganor dhe forca alkoolike për shlyerjen e saktë të akcizës së vendosur në distilin e sekuestruar si dhe praninë e mundshme të substancave të dëmshme për shëndetin e njeriut.
I pyetur nga policia, mësohet se shqiptari është justifikuar se do ta konsumonte vetë rakinë.
