Një shtetas grek u arrestua si urdhërues i vrasjes së shqiptarit, Mario Mataj, 27 vjeç, ngjarje e ndodhur pak ditë më parë në Patra.
Sipas gazetës Protothema, personi që urdhëroi vrasjen e shqiptarit është një grek, i cili akuzohet për vrasje të qëllimshme.
Greku urdhëroi një shqiptar që të kryente vrasjen. Në banesën e shqiptarit u gjetën edhe kanabis, pistoletë, fishekë, celularë, etj.
Sipas gazetës, greku kishte urdhëruar një person të huaj (shqiptar) që të qëllonte Marion në kokë. Ata kishin ndjekur makinën ku ishte Mario me tre persona të tjerë.
Fillimisht autori i krimit kishte qëlluar në ajër, më pas me urdhër të grekut e qëlloi Marion në kokë. Vetë greku kishte qëlluar me levë një nga personat e tjerë në makinën ku ishte Mario.
Shqiptari humbi jetën në spital. Gazeta shkruan se ai ishte një i ri që punonte në industrinë e kateringut dhe personazh popullor në rrjetet sociale.
Autori i vrasjes është akoma në kërkim.
