Gjykata e Tiranës ka pranuar kërkesën e prokurorisë duke lënë nën masën “arrest me burg pa afat” burg infermieren e “Infektivit” Ronida Hysin. 30-vjeçarja akuzohet për veprat penale: “Vjedhja” dhe “Vjedhja duke shpërdoruar detyrën”.
Ajo u arrestua pak ditë më parë, pas denoncimit nga djali i një prej pacientëve të shtruar në “Covid1”, që më pas humbi jetën, se të atit i ishin tërhequr para nga karta e bankës që ia kishin vjedhur në spital bashkë me fjalëkalimin.
“Specialistët për Hetimin e Krimit në Komisariatin e Policisë Nr. 4, në bashkëpunim me Prokurorinë e Rrethit Gjyqësor Tiranë, kanë bërë të mundur identifikimin, lokalizimin dhe ndalimin e shtetases Ronida Hysa, 30 vjeçe, banuese në Durrës. Ndalimi i kësaj shtetaseje u bë pasi në bazë të pamjeve filmike rezulton si autorja e vjedhjes së një shume parash në portofolin e shtetasit K.D., i cili ka qenë i shtruar në spitalin infektiv, ku ka ndërruar jetë nga COVID-19”, njoftoi policia këtë të Martë.
“Pas kallëzimit të bërë për këtë ngjarje, nga djali i të ndjerit, shtetasi F. D., 25 vjeç, i cili ka deklaruar se nga llogaria bankare e të atit ishte tërhequr shuma 60.000 lekë, specialistët për Hetimin e Krimit në Komisariatin e Policisë kanë organizuar punën për identifikimin e autorit. Në bazë të provave filmike ka rezultuar se edhe shuma e parave është tërhequr nga shtetasja Ronida Hysa, infermiere në spitalin infektiv, e cila ka pranuar autorësinë e ngjarjes, që është bërë mediatike edhe nga emisioni investigativ ‘STOP’”, shtuan të njëjtat burime.
Hetimet
E reja ka shfaqur pendesë përpara gjykatës dhe ka pranuar vjedhjen.
Ajo kishte dy muaj që kish filluar punë në spitalin covid, ku më parë punonte në spitalin e Durrësit.
Nga hetimi ka rezultuar se infermieria ka tëntuar të tërheqë para në disa bankomate, ndërsa 600 mijë lekë i ka marrë në bankomatin e spitalit. Më pas ka shkuar në një bankomat në autostradë por nuk ka mundur të tërhequr, pasi nuk ka pasur më para në llogari. Përpra gjykatës, ështe shprehu se e ka kryer gjesitin për shkak të gjendjes së saj të keqe ekonomike. Ajo është e divorcuar dhe jetonte vetëm me djalin e saj 2-vjecar.
