U afrua me bujë në këtë merkato dimri, por karriera e Albion Avdijajt duket se është në të njëjtën linjë me atë që pati te Tirana. Sulmuesi shtatlartë ka munguar ditën e djeshme në seancën e radhës stërvitore.
Një dëmtim në kavilje ka bërë që ai mos të jetë i pranishëm për t’u stërvitur me pjesën tjetër të grupit. Pritshmëritë për të janë të mëdha, megjithatë në Shkodër janë skeptikë për performancën e 27-vjeçarit.
Deri më tani është aktivizuar vetëm 49 minuta në 3 ndeshje duke u futur si zëvendësues. U afrua nga shkodranët për të zëvendësuar Ismael Dungën, mirëpo deri më tani nuk ka arritur të shpërblejë besimin e drejtuesve.
Kujtojmë që këtë javë, Vllaznia do të luajë në transfertën e vështirë me Partizanin dhe me shumë mundësi sulmuesi nuk do të jetë i gatshëm për Thomas Brdariç.
