Nga Fenit Nirappil, The Washington Post
Zbulimi i varianteve të reja të koronavirusit në Shtetet e Bashkuara i ka bërë ekspertët e shëndetit publik që t’u kërkojnë amerikanëve të ndryshojnë mënyrën se si vendosin maskat, të cilat janë bërë mburojë kryesore gjatë pandemisë.
Ndryshimi është i thjeshtë vendosja e dy maskave, ose më mirë akoma nëse vishni një maskë prej rrobe sipër një maske kirurgjikale.
Disa ekspertë thonë se është koha për të blerë maskat me cilësi më të lartë KN95 ose N95 pasi janë më të sigurta kundër Covid.
Shtetet e Bashkuara janë një ndër vendet ku njerëzit nuk kanë praktikuar shumë vendosjen e maskave. Disa vende aziatike, duke përfshirë Singaporin dhe Korenë e Jugut, kanë prodhuar maska me cilësi të lartë për t’ia shpërndarë popullsisë.
Javët e fundit, vendet europiane i kanë bërë të detyrueshme përdorimin e maskave N95 në mjediset publike pasi varianti i koronavirusit i identifikuar në Mbretërinë e Bashkuar kërcënon të prekë më shumë komunitetet. Shkencëtarët britanikë vlerësojnë se mund të jetë sa 70 për qind më e i transmetueshëm.
Anthony Fauci, eksperti më i lartë i sëmundjeve infektive të vendit, vendosi 2 maska gjatë një fjalimi të hënën duke thënë se dy maska kanë të ngjarë të jenë më efektive.
CDC nuk e ka rishikuar udhëzimin e saj për maska duke inkurajuar amerikanët të zgjedhin maska të përshtatshme me “dy ose më shumë shtresa që mund të lahen dhe të marrin frymë lirshëm” dhe të shmangin maskat kirurgjikale dhe maskat e tjera të fytyrës të projektuara për punonjësit e kujdesit shëndetësor.
Presidenti Biden, nga ana tjetër i ka cilësuar maskat si një strategji thelbësore për t’i dhënë fund pandemisë, duke urdhëruar që maskat të përdoren në aeroplanë, në aeroporte dhe në të gjitha ndërtesat federale. Por ai nuk ka bërë thirrje për një mandat të gradës mjekësore ose prodhim masiv të maskave me cilësi të lartë.
CDC dhe Shtëpia e Bardhë nuk iu përgjigjën kërkesave për koment.
Administrata e Trump në mars u koordinua me prodhuesit e maskave për të dërguar pesë maska në çdo familje, thanë zyrtarët për Washington Post , por planet u prishën për shkak të shqetësimeve logjistike dhe çështjeve të tjera, duke përfshirë ankesat se maskat dukeshin si të brendshme.
Abraar Karan, një mjek në Spitalin e Brigamit dhe Shkollën Mjekësore të Harvardit, që nga pranvera e kaluar, u bëri thirrje udhëheqësve të qeverisë dhe industrive për të prodhuar në masë maska komode dhe efektive .
Ai tha se vendi mund të kishte shmangur situatën e tij aktuale, nëse amerikanët do të mbanin maska.
Linsey Marr, një inxhiniere në Virginia Tech, i cili ka hulumtuar efektivitetin e maskës, tha se populli ka mjete më të mira për të zvogëluar ngarkesat virale.
Pa një maskë N95, tha Marr, njerëzit mund të mbrohen, duke veshur një maskë prej rrobe mbi një maskë kirurgjikale.
Dallimi është i njëjtë më marrjen e dy dozave të rekomanduara të vaksinave të koronavirusit në vend të një – maska shtesë ofron një mbrojtje më të plotë kundër virusit.
Maskat janë ndër mjetet më të thjeshta në luftën kundër koronavirusit por disa i kanë kthyer maskat në një simbol të politikës nga ana e qeverisë.
Psikologët thonë se autoritetet e shëndetit publik duhet të kenë parasysh reagimet e njerëzve në momentin që ndryshojnë udhëzimet për përdorimin e maskave.
Danny Ryan, një 27-vjeçar, tha se u nxit të mbante dy maska prej rrobe pjesërisht nga Biden dhe Zëvendës Presidentja Harris.
“Thjesht më mbeti në mendje – ata kishin vënë dy maska, ” tha Ryan.
“Të jem i sinqertë, unë thjesht ndihem më i sigurt duke vendosur 2 maska, sidomos pas varianteve të tjera të virusit që kanë dalë në qarkullim.” /abcnews.al
