Gruaja e ish-minitrit grek, Sifis Valirakis, ka hedhur akuza në lidhje me vrasjen e burrit të saj, duke u shprehur se dyshon se ai është vrarë si pasojë e përplasjes së motoskafit të tij nga një mjet tjetër ujor.
Gruaja shprehet se një tjetër anije ishte në det në momentit kur burri i saj po lundronte, për të cilin ka dyshime që mund të ketë përplasur burrin e saj.
Sipas ekspertizes, ish-ministri vdiq pas goditjeve që kishte marrë në qafë dhe kokë, por mbetet të shihet nëse këto dëmtime i erdhën nga helikat e anijes së tij apo të një anije tjetër.
Ish ministri grek, Sifis Valirakis u gjet i vdekur 2 ditë më parë prej rojes bregdetare greke në afërsi të Eretrias, 40 km në veri të Athinës. Sipas rojes bregdetare greke,politikani i njohur grek, u gjet në det, vetëm pak metra larg motoskafit të tij i cili u gjet me motorët të ndezur.
Ka qenë bashkëshortja e tij që njoftoi autoritetet pasi Valirakis nuk ishte kthyer në banesë mbas një shëtitje që kishte bërë me skafin e tij në ujërat e qeta të gjirit të Eretrias.
