Ferhan Hasani është përforcimi i katërt i Partizanit në këtë merkato janari, si dhe më i bujshmi. Pas firmave me Valentino Muratajn, Stenio Juniorin dhe Anteo Osmanllarin, të kuqtë kanë firmosur edhe me “Bubën”, çka i shton tepër cilësitë skuadrës dhe forcën e grupit.
Me skemën e preferuar të Dajës, që është 4-3-3, është vështirë të zbulosh rolin e Hasanit në fushën e lojës.
Kjo, pasi “Buba” është një futbollist “10”, pra një fantazist. Janë dy pozicionet ku mund të adaptohet FerhanHasani në formacionin e Dajës, ose në të majtë të sulmit, ose në mesfushë, pak më i avancuar se dy mesfushorët e tjerë.
Mundësia më e madhe është që Hasani të aktivizohet si sulmues i majtë, me Stenio Zhuniorin në qendër dhe me Jasir Asanin nga e djathta. Alternativat për Dajën në sulm janë të shumta dhe, më kryesorja, shumë cilësore./Panoramasport
Formacioni i mundshëm i Partizanit: 4-3-3 Hoxha; Idrizaj, Bitri, Belica, Hakaj, Mala, Broja, Murataj, Asani, Junior, Hasani
