Pamela Anderson ka njoftuar se po largohet nga mediat sociale. Ish-ylli i Baywatch shkroi në rrjetet sociale se ky do ishte postimi i saj i fundit në Instagram, Twitter ose Facebook.
“Kurrë nuk kam qenë e interesuar për mediat sociale. Dhe tani kam nisur një jetë të frymëzuar nga leximi, qëndrimi në natyrë. Jam e lirë,”– shkroi aktorja.
Anderson gjithashtu i nxiti ndjekësit e saj të “gjenin forcën dhe frymëzimin për të ndjekur qëllimin e tyre” dhe “të mos joshen nga koha e humbur”.
“Kjo është ajo çfarë ata duan dhe ju përdorin për të fituar para”– vazhdoi ajo, duke theksuar se kompanitë e mediave sociale kanë “kontroll mbi trurin e njerëzve”. Ndërsa në Twitter, shkroi thjesht: “Mirupafshim media sociale”.
