Këngëtari i Cellino San Marco ia rrëfeu atë Mario Giordano në spektaklin “Fuori dal coro”. Duhet thënë, Al Bano Carrisi është “Jashtë Korit”.
Këngëtari i njohur italian, i ftuar në Rete 4, ngriti dyshimet e tij rreth vaksinës duke folur për urgjencën e koronavirusit.
“Sapo të më telefonojnë unë do të shoh. Po e mendoj. A duhet besuar? Kjo është pyetja, që unë i bëj vetes. Kam lexuar rezultatet e fundit dhe ata lënë disa dyshime përreth,” tha ai.
Më 20 maj, Al Bano do të mbushë 78 vjeç dhe për këtë arsye duhet të jetë ndër të parët që do të marrë vaksinën në javët e ardhshme, ndonëse këngëtari ka shprehur shumë dyshime.
Në lidhje me këtë, moderatori Mario Giordano tha se Agjencia Evropiane e Barnave ka siguruar që vaksinat të jenë të sigurta dhe se ato nuk shkaktojnë pasoja.
Pastaj ai shtoi: “Por problemi duket se nuk qënka mungesa e vaksinës”, duke lënë të kuptohet se është pikërisht skepticizmi që kanë qytetarët ndaj saj.
