Një 19-vjeçar shqiptar humbi jetën si pasojë e një aksidenti, ku mbetën të plagosur edhe tre persona të tjerë.
Aksidenti ka ndodhur në Rimini, ndërsa mediat italiane njoftojnë se 19-vjeçari Matteo Skënderi, i cili humbi jetën, drejtonte një automjet tip “Opel Corsa”.
Automjeti ka dalë nga rruga dhe ka përfunduar në pjesën ku punonin disa punonjës të rrugës.
Si pasojë e plagëve të marra, i riu shqiptar ka humbur jetën në vendin e ngjarjes. Ndërsa tre të plagosurit e tjerë ndodhen nën kujdesin e mjekëve në spital.
Ndërkohë policia vijon punën për zbardhjen e plotë të kësaj ngjarje dhe shkaqeve që çuan në humbjen e kontrollit të makinës që drejtohej nga 19-vjeçari.
