Arrestohet një nga bashkëpunëtorët e vrasjes së 27-vjeçarit shqiptar në Greqi! Emri

Policia greke ka vënë në pranga një nga bashkëpunëtorët e autorit të vrasjes së Mario Metajt, 27-vjeçari shqiptar, i cili humbi jetën si pasojë e një përleshje mes dy grupeve. Ngjarja e rëndë ndodhi pasditen e djeshme në Patra, të Greqisë.

Mediat fqinje raportojnë se i arrestuari është një shtetas shqiptar, i cili sipas dëshmive të siguruara nga autoritetet, nxiti autorin e vrasjes që të qëllojë në grupin e personave ku bënte pjesë edhe viktima.

Të afërmit dhe miqtë do t’i japin lamtumirën e fundit Mario Metajt, ditën e nesërme në 11:00 dhe homazhet do të mbahen në Kishën e Agios Ioannis & Agios Apostolos, në Zavlani. Më pas përcjellja për në banesën e fundit do të bëhet në Varrezat e Patras.

27-vjeçari ishte plagosur me pesë plumba, ku një prej tyre e kishte kapur në kokë, në pjesën pranë veshit. Fillimisht ai u deklarua në gjendje kritike dhe mjekët në spitalin ku ishte shtruar e trajtonin klinikisht të vdekur, por fatkeqësisht sot i riu ndërroi jetë.

LEXO EDHE  Thirrja e Palokës: Më 25 prill të ndalim Edi Ramën

Ngjarja ndodhi mbrëmjen e djeshme (25 janar) rreth orës 6 pasdite, me orën shqiptare 5, dhe gjithçka nisi kur në 2 automjete, po hipnin disa persona. Të dy automjetet po drejtoheshin drejt Patras dhe në të njëjtën kohë, ndaluan në Kryqëzimin Kourtesis.

Më pas pasagjerët zbresin nga të 2 automjetet dhe nis një përplasje e ashpër mes tyre. Në një moment dëgjohen edhe të shtëna, si dhe përdoret një mjet i mprehtë, thikë. Si rezultat i të shtënave, 27-vjeçari shqiptar, mbeti i plagosur rende.

Shqiptari i plagosur me pesë plumba u transportua në gjendje të rëndë në Spitalin e Përgjithshëm Universitar të Patras, ku me pas ndërroi jete.

Paraprakisht dyshohet se njerëzit që e njihnin shqiptarin, i përkisnin një grupi që merrej me menaxhimin e klubeve të natës. Ata u shfaqën edhe në spitalin ku i plagosuri rëndë u transportua. Dyshohet se autorët mund të jenë po shqiptarë, ndërsa motivi i ngjarjes së rëndë po hetohet.