Një shqiptar, i identifikuar si Mariglen. M, u arrestua nga policia spanjolle, pasi ishte shpallur në kërkim ndërkombëtar nga autoritetet gjermane, me akuzën e vrasjes.
Mediat raportojnë se shqiptari dyshohet se është autori i vrasjes së një kamarieri turk, i cili punonte në Gjermani. Shqiptari ndodhej në arrati prej 17 muajsh, ndërsa u kap nga policia spanjolle për llogari të drejtësisë gjermane.
35-vjeçari dyshohet se ka qëlluar turkun Emrah K., 24 vjeç, mëngjesin e 7 gushtit 2019, duke e lënë të vdekur në trotuar.
Prokurori i çështjes konfirmoi për BILD se 35 vjeçari është ekstraduar në Gjermani dhe do përballet me drejtësinë.
