Joan Laporta është një nga favoritët për të fituar garën për presidentin e ri të Barcelonës. 58-vjeçari e ka drejtuar edhe më parë klubin katalanas (2003-2010), periudhë gjatë së cilës fitoi 12 trofe.
Raportin me Leon Messin e ka fantastik dhe shumica e tifozëve shpresojnë që Laporta të shpallet fitues.
Një gjë e tillë përkthehet rinovim me Leo Messin, i cili kërkohet me ngulm nga PSG dhe Manchester City. Ylli argjentinas ndodhet në vitin e fundit të kontratës dhe mund të largohet me parametra zero pas një jete te Barcelona.
Laporta është hedhur në sulm ndaj kampionëve të Francës në prononcimin e dhënë për TVE, duke lëshuar akuza ndaj drejtuesve të PSG-së. “Kam lexuar se PSG nuk po kalon një gjendje të mirë ekonomike, kështu që duhet të kuptojmë nëse ata realisht mund të investojnë te Leo Messi.
Por në çdo rast do i kërkoja PSG-së të mos e destabilizojë Barcelonën dhe të sillet ashtu siç jemi sjellë ne ndaj tyre. Ata e shpallin në mes të sezonit synimin e tyre për të gjetur një akord me Messin, kjo nuk është aspak korrekte“, deklaron Laporta.
