Seancë individuale edhe sot për Edin Dzeko. Pasi u përjashtua nga skuadra për Roma-Spezia, sulmuesi boshnjak sot u kthye në stërvitje në Trigoria, por për të stërvitje individuale, një shenjë e qartë se raporti me trajnerin Paulo Fonseca nuk është ndrequr aspak!
Sot, La Gazzetta dello Sport azhornoi situatën e Edin Dzeko. Për shkak se boshnjaku po ndahet me Paulo Fonseca, nuk është qartë një ndarje totale dhe e pariparueshme si ajo midis Gomez dhe Atalanta por sigurisht që duket një situatë e rrezikshme.
Dje Fonseca as nuk donte të fliste për të, nuk ka pasur asnjë sqarim deri më tani dhe Edin rrezikon të bëhet objekt i negociatave të befasishme në ditët në vijim”, shkruan La Gazzetta.
Ka më shumë. Sepse siç shkruan La Gazzetta, Roma i ka dhënë hapje totale shkëmbimit të huazimit midis Edin Dzeko dhe Christian Eriksen.
“Verdhekuqtë menjëherë do të bënin shkëmbimin dhe do ta njoftonin Interin, por nga zikaltërit kishte një përgjigje shumë të qartë: merkato është e mbyllur, Suning vendos veton për çdo blerje dhe prandaj Dzeko nuk do të arrijë pa surpriza të bujshme”, shton gazeta. E ardhmja e Edin mbetet në ekuilibër: qartësia me Fonseca ose rreziku i shitjes.
