Një trup i pajetë është gjetur rreth orës 10:20, në një përrua në fshatin Grapsh të Devollit. Trupi është gjetur nga banorët e zonës, njoftoi policia, që shton se nga të dhënat e para, dyshohet se viktima të jetë emigrant i paligjshëm.
Nga kqyrja paraprake e trupit, nuk janë konstatuar shenja dhune dhe dyshohet se ky person mund të ketë gjetur vdekjen për shkaqe aksidentale.
Trupi i pajetë do të dërgohet drejt morgut, ku pritet përgjigjja e ekspertizës mjekoligjore për të përcaktuar shkakun e vdekjes.
Grupi hetimor, po punon për të identifikuar viktimën si dhe për të zbardhur rrethanat e ngjarjes, thuhet më tej në njoftimin e policisë.
Prej kohësh tashmë, vendi ynë është kthyer në transit për kalimin e refugjatëve që vijnë nga vendet e treta dhe synojnë kalimin në vendet e BE-së.
