Mësohet se i riu Jetmir Bregu që u vra këtë mbrëmje në Durrës, i cili njihej dhe me emrin Ilir Kuçi, ishte me precedentë penal.
Dyshohet se ai është i përfshirë në disa aktivitete kriminale.
Mësohet se ai është konfliktuar më herët gjatë ditës me persona të tjerë, ndërsa vrasja ka ndodhur në mbrëmje.
Raportohet se 32-vjeçari ka marrë plagë në kokë dhe në gjoks.
Dëshmitarët thonë se ai u qëllua sapo zbriti nga makina e tij me breshëri kallashnikovi.
Autorët thuhet se kanë qëlluar nga një mjet në lëvizje.
Ndërkohë, policia ka nisur kërkimet për identifikimin dhe kapjen e vrasësve.
