Conor McGregor pësoi humbjen e parë me nokaut në karrierë në orët e para të këtij mëngjesi në ndeshjen kryesore në UFC 257.
Në kërkim të fitores së dytë ndaj Dustin Poirier (27-6), McGregor (22-5) u mund me “KO” në raundin e dytë nga luftëtari amerikan përpara një numri të kufizuar spektatorësh në “Etihad Arena” në Abu Dhabi .
Ndeshja nisi që në fillim vrullshëm, ku McGregor, e filloi me disa grushte të shpejta, ndërkohë që Poirier, luftonte në kundërsulm dhe shfrytëzonte hapësirat që i liheshin nga kundërshtari, për ta goditur atë në pikat e dobëta. Kështu u mbyll raundi i parë, ndërsa i dyti ishte tjetër histori.
Ishte përsëri McGregor që e nisi fuqishëm, me grushte dhe shkelma, por amerikani nuk u ndal dhe afër fundit të raundit të dytë, sulmon me grushte të shpejta irlandezin, duke ia bërë të pamundur të reagonte.
McGregor e kishte të pamundur të qëndronte në këmbë pas gjithë atyre grushteve, dhe ashtu i gjakosur siç ishte, bie nokaut në raundin e dytë, duke i dhuruar fitoren Poirier.
Full sequence of Dustin Poirier’s knockout of Connor McGregor #UFC257 https://t.co/E3GXoSPFxc
— George Balekji (@GeorgeBalekji) January 24, 2021
