Njihuni me parashikimin javor të motit

Kjo javë, parashikohet të jetë “klasike” dimri, me motin i cili do të jetë shumicën e ditëve i vranët me reshje shiu e dëbore si dhe disa ditë me diell por të acarta.

Ditën e nesërme, (E hënë), moti parashikohet kryesisht i vranët me alternime afatshkurtra kthjellimesh në mesditë.

Reshje shiu të herëpashershme me intensitet të ulët deri mesatar dhe në kohë afatshkurër deri në të lartë në zonën e veriut. Në lartësitë mbi 300 metër dhe juglindje mbi 800 metër do të ketë reshje tepër të dendura dëbore.

Gjatë orëve të para të 24-orëshit të ditës së martë reshjet vijojnë me intensitet mesatar deri dhe të lartë në një pjesë të madhe të territorit.

Pas orëve të mesditës reshjet humbasin intensitetin dhe bëhen të herëpashershme dhe intensitet të ulët.

LEXO EDHE  “100 dështimet e Ramës”/ Basha: Dëmi në buxhetin e shtetit gjatë qeverisjes së tij 6.2 mld euro

Në relievet malore në lindje të territorit reshje tepër të dendura dëbore te cilat gjatë ditës në zonën e veriut dhe jugut zbresin deri në lartësitë kodrinore 400-500 metër.

Dita e mërkurë dhe ajo e enjte parashikohen të kenë mot kryesisht të kthjellët dhe vranësira kalimtare e reshje shiu të izoluara dhe lokale.

Ditën e premte kemi rikthim të motit të vranët e reshje shiu të herëpashershme me intensitet të ulët e lokalisht shtrëngata afatshkurtër.

Duke nisur nga orët e pasdites reshjet bëhen të vazhdueshme me intensitet mesatar dhe të lartë në pjesën më të madhe të territorit.

Përsëri reshje dëbore në relievet malore në lindje por me intensitet të ulët.