Një operacion i policisë së mbrojtjes së shëndetit publik të Milanos, NAS, ka sekuestruar një sasi ilacesh të trafikuara ilegalisht nga Kina. Barnat e sekuestruar përdoren në Kinë për kurimin e simptomave të virusit Covid 19 e të gripit.
Gjithsej janë sekuestruar 64 320 kapsula baraz me 2480 konfeksione ilacesh e 55 shishe shurupi me përmbajtje e përbërësit Llanhua Qingëen Jiaonang e me vlerë mbi 150 mijë euro.
Barnat janë të pashoqëruara me fletën ilustruese mjekësore që autorizon tregtimin e tyre dhe nga Agjensia italiane e Barnave.
Nën hetim janë vënë 7 persona, anëtarë të një shoqate vullnetare në dobi të komunitetit kinezë në qytetin e Milanos.
