Ana Lleshi vazhdon të jetë aktive në televizion edhe pas largimit nga “Për’puthen” dhe së fundmi aji ka treguar më shumë për jetën e saj pas largimit.
Pasi nuk u përputh me asnjë nga konkurentët në emision, Ana thotë në “Shqipëria live” se po kërkon një djalë: “Meqë nuk u përputha atje, po vij këtu njëherë të kërkoj. Jam bërë goc e mirë, kam futur edhe shalën jashtë meqë më kanë kritikuar për veshjet e mia me shalë jashtë”.
E pyetur për puthjen me Atdheun dhe nëse do të përpiqet të njihet me të nëse ai largohet nga “Për’puthen”, ajo përgjigjet: “Jo, unë e thashë që ai të vazhdojë të rrijë dhe të njihet me kë do. Nuk pres asnjeri. Nëse do dilte Atdheu nuk di të them nëse do doja ta njihja. Tani dua të njoh dikë jashtë”.
Ana tregoi edhe emocionet që ndjeu pas puthjes me Atdheun: “Në atë moment nuk ndjeva gjë, po kur e pashë nga ekrani ndjeva ca flutura. Unë prisja të më puthte në ballë, ashtu siç e ka për zakon Atdheu”.
Tashmë thotë se po merret me biznesin e saj por nuk do të shkëputet nga ekrani.
