Euronews Albania ka publikuar ditën e djeshme një sondazh ku sipas tyre, nëse zgjedhjet do të zhvilloheshin sot do t’i fitonte Partia Socialiste me në krye Edi Ramën.
Sipas tyre 41.8 për qind e shqiptarëve do të votonin Partinë Socialiste. 28.2 për qind do të votonin Partinë Demokratike, 10.3 për qind Lëvizjen Socialiste për Integrim, 1.5 % PDIU-në, ndërsa 2.1% partitë e tjera.
Gazetari Çim Peka ka ironizuar këtë sondazh duke shkruar në rrjetin social Facebook se “Rama i fal detin, greku e rrit në sondazh”.
Ky reagim i Çim Pekës ka ardhur sepse kompania që ka bërë sondazhin është greke.
Sikundër është raportuar Kryeministri Edi Rama e ka cilësuar si një të drejtë të Greqisë shtrirjen me 12 milje në det. Parlamenti grek ka miratuar edhe projektligjin duke bërë për herë të parë të gjitha partitë bashkë, ndërsa nuk janë kursyer falenderimet për Edi Ramën, lidhur me deklaratën dhe qëndrimin e mbajtur.
