Në një bisedë të pazakontë, dy vajzat e “Love Story”, Flavia dhe Redona, kanë zbuluar më shumë për veten dhe për publikun nga një qendër spa-je, pasditen e kësaj të premteje.
Të ftuara në “Daily Love Story”, Flavia dhe Redona kanë zbuluar për publikun si kujdesen ato për veten, stilin e jetës, por edhe kanë treguar se si e mendojnë vazhdimin në “Love Story”.
Duke ngacmuar njëra-tjetrën në lidhje me Saimirin, vajzat janë të bindura se Saimiri vijon të ketë interes për to, kështu që po vijojnë të qeta rrugëtimin në “Love Story”.
“Kam kuptuar që Saimiri më do dhe mendoj se ju të tjerave do ju lërë pa trëndfil…” – tha Flavia me të qeshur, por edhe Redona, nga ana e saj, është e bindur që Saimiri është i interesuar edhe për të, sepse, në të kundërt, ajo do të hiqte dorë prej tij.
“Unë deri tani ndihem mirë dhe nuk kam arsye pse të heq dorë nga kjo gjë. Jam njeri që shikoj vetëm drejtimin tim… Do hiqja dorë nëse Saimiri nuk do të tregonte interes ndaj meje, që të rri aty kot…vetëm kjo”, – tha Redona duke vijuar: “Interesi është edhe kur të shikon në sy, kur të flet gjatë publicitetit…nuk është vetëm takimi. Nuk influencohem nga ato që thonë njerëzit për Saimirin”.
Nga sa duket, Saimiri i ka futur në mendime të gjitha vajzat, pa lënë ende asgjë të kuptueshme lehtësisht.
Kë do të zgjedhë në fund?
