I shpallur në kërkim ndërkombëtar, arrestohet në Elbasan 54-vjeçari. Sipas një njoftimi zyrtar, policia arrestoi shtetasin R.E, i shpallur në kërkim nga autoritetet italiane. I arrestuari do të ekstradohet drejt vendit fqinj, pasi Gjykata e Toniros i ka caktuar masën e sigurisë “arrest me burg”.
“Specialistët për Hetimin e Krimeve të Rënda në Drejtorinë Vendore të Policisë Elbasan, në bashkëpunim me Interpol Tirana, pas një pune të mirorganizuar, lokalizuan, kapën dhe arrestuan përkohësisht, me qëllim ekstradimi drejt Italisë, shtetasin shqiptar të shpallur në kërkim ndërkombëtar: R. E., 54 vjeç, banues në Elbasan.
Kapja dhe ndalimi i tij u bë pasi Gjykata e Torinos, Itali, në datën 25.11.2020, i ka caktuar masën e sigurisë “Arrest në burg”, për veprën penale “Pjesëmarrje në organizatë kriminale për vjedhje me dhunë dhe grabitje”, parashikuar nga Kodi Penal italian.
Veprimet e mëtejshme për këtë shtetas do të kryhen nga Zyra e Interpolit Tiranë”, thuhet në njoftimin e policisë.
