Prej vitesh Kryeministri Edi Rama flet për ndërtimin e aeroportit të Vlorës. Herë pas here Rama paraqet projektet 3 apo 4 D, njëlloj sikundër bën me rrugë, porte apo çdo projekt tjetër në infrastrukturë.
Duket se e gjithë kjo situatë ka prodhuar humor në rrjetet sociale.
Foto e mëposhtme tregon pikërisht humorin që shkakton Rama me projektet e tij.
Nga dita e djeshme, nga aeroporti i Vlorës ka nisur fluturimi, dhe i pari që ka udhëtuar është pikërisht Kryeministri. Avioni ishte tip i ri, prodhuar në një nga ishujt ku nuk tregohen pronarët e bizneseve të mëdha.
Thuhet se me këtë fluturim Rama ka inspektuar bregdetin, madje nga lartësitë ka caktuar edhe tokat ku mund të ndërtohen projektet e ardhshme, njëlloj sikundër bëri në rastin e spitalit të Fierit.
Nuk dihet se kush do e bëjë udhëtimin e dytë nga aeroporti i Vlorës, por thuhet se është një listë e gjatë me emra deputetësh dhe ministrash.
