Rilindja e drejtuar nga Kryeministri Edi Rama e ka nisur fushatën në Fier me zaptimin e një tokë për të ndërtuar një spital.
Gjithçka ndodhi sa hap e mbyll sytë, pasi qëllimi është që spitali i premtuar nga Presidenti turk, Rexhep Taip Erdogan, të përfundojë më 7 prill, pra para zgjedhjeve.
Gjatë 8 viteve në pushtet, përveç propogandës dhe show, Rama nuk mundi të mbajë premtimin për shëndetësi falas dhe kjo u provua në rastin e pandemisë, e cila rrëzoi gjithë propogandën e ngritur nga Rilindja.
Tashmë në prag të zgjedhjeve, Rama arriti të sigurojë një financim për ndërtimin e një spitali, atij të Fierit, edhe pse ka vite që dështon për të gjetur financime.
Pikërisht me nisjen e fushatës, duket se Erdogan i ka bërë një dhuratë, ndërsa Rilindja nxitoi ti tregojë mirënjohjen me një këngë dedikuar Presidentit turk.
‘Erdogan nuk bën më nëna’, thotë këngëtari i polifonisë, Guri Rrokaj.
JA TEKSTI I KËNGËS
Lajmi bukur mori dhenë, në gjithë botën sot po zjen
Erdogani tha me gojë, Shqipërinë do ta ndihmoj
Shteti turk dhe Ankaraja tregoi dashurinë e saj
Shqipërisë iu gjend pranë, porsi nëna për evlanë
Në Turqi tek gjysmëhëna, Erdogan nuk bën më nëna
Burri i besës që s’të fal, tha të bëhet një spital
Lacin po nge në themel me gjithë lagje krejt po del
Do bëjë spitalin në Fier për të gjithë vilajetin
Ky Rexhep Taip Erdogan Presidenti turk me famë,
Për Shqipërinë do mbesë ikonë, sa more sa malet të rrojë!
