E ftuar në emisionin “Opinion”, ministrja e Shëndetësisë Ogerta Manastirliu, u pyet në lidhje me rastet korruptive në spitale dhe a do jepte dorëheqjen ajo për korrupsion masiv.
Më tej, ajo u pyet se a është e gatshme që mediat të futen në spitalet kovid me kamera, për transparencë.
Manastirliu theksoi se “jam shumë e gatshme që me kamera të vini ju, por edhe me kamera t’i vendosim ne nëse e lejon ligji, për të siguruar transparencën e shërbimeve shëndetësore.”
Nëse ka raste korruptive në masë, a do jepni dorëheqjen?
Kësja pyetje, ministrja ju shmang duke folur për tjetër gjë.
“Është jo vetëm përgjegjësi e detyrë të ruajmë të gjitha parimet e transparencës në punën tonë, punës kolosale që është bërë në sistemin shëndetësor, jam shumë e gatshme që me kamera të vini ju, por me kamera të vendosim ne, për të siguruar transparencën e shërbimeve shëndetësore. Ftoj të gjithë qytetarët, të përdorin me instrumentat që kemi ngritur për të denoncuar.”-tha ministrja.
