Prokuroria e Tiranës ka kërkuar sekuestrimin e 5 milionë eurove pasuri të dy shtetasve të identifikuar me inicialet S.M dhe E.M.
Nga raportimet mësohet se pasuritë konsistojnë në apartamente, lokale dhe rreth 11 makina luksoze.
Sipas hetimeve pasurore të kryera, këto pasuri janë vënë nga aktiviteti kriminal i trafikut ndërkombëtar të drogës.
Policia e Tiranës aktualisht është duke kryer operacionin e sekuestrimit të pasurive. Nga raportimet mësohet se policia deri tani ka arritur të sekuestrojë makina tip Chrysler, 4 BMW, Ford, Porsche, Audi, në total 11 automjete.
Ndërkohë që mësohet se dy personat të cilëve po u sekuestrohen pasuritë janë dy vëllezër.
