Bylisi u mund në minutat shtesë nga Vllaznia kryesuese, ndërkohë që pas ndeshjes foli në emisionin “Gol pas Goli” në Supersport trajneri Veljko Dovedan. Sigurisht ai ishte i zhgënjyer me rezultatin, pasi skuadra e tij rrezikon rënien nga Superiorja.
Në fund pati kontestime për golin e Ardit Hoxhajt dhe Dovedan ka pretendimet e tij: “Goli ka nisur që nga faulli. E mbajti me dorën e majtë dhe e rrëzoi, më pas ka dhënë pasin për golin që shënoi Vllaznia”.
“Afrimet? Ne kemi marrë dy futbollistë të mirë, por problemi është se nuk kanë luajtur prej një muaji. Do mundohemi t’i ngremë në nivelin e tyre dhe ta ndihmojnë skuadrën në arritjen e objektivave”.
“Loja e barabartë me kryesuesit? Na duhen 15 ditë, skuadra do të rritet në vazhdim”, përfundoi trajneri i Bylisit, Veljko Dovedan. /abcnews.al
