Votimi i sotëm në Kuvendin e Shqipërisë, i vuri kapakun degadimit të institucionit ligjvënës. 94 deputetë të mazhorancës dhe ‘opozitës’ votuan unanimisht pro marrëveshjes për ardhjen e vaksinës, por pa pasur parasysh se çfarë shkruhet në të.
Një tjetë provë e cila tregon se parlamenti i Shqipërisë është vënë i gjithi në rresht nga Rama, pasi askush nuk guxon më të debatojë apo të kërkojë transparencë, por si ushtarë të bindur apo si ‘dele’ votojnë çfarë u vihet përpara.
Ngjarja e sotme tregoi se në Shqipëri nuk vepron më demokracia, dhe se kryeminsitri është mbi palët dhe kontrollon çdo institucion, pasi ai jo vetëm nuk bëri transparencë për origjinën e dozave të para të vaksinës që mbërritën në Shqipëri, por sot ju vuri para deputetëve ‘kokëulur’ një fletë ku lexohej vetëm akti sekret për një marrëveshje të panjohur dhe asgjë tjetër se çfarë përfshihej në marrëveshjen mes qeverisë shqiptare dhe kompanisë Pfizer.
Votimi i sotëm në Kuvendin e shqipërisë dëshmoi se demokracia në institucione ka rënë dhe se niveli i intelektit të ‘përfaqësuesve të popullit’ është nën mesatar, dhe se askush prej tyre në Kuvend nuk guxon të kundërshtojë më asnjë marrëveshje apo ligj që Rama kërkon të kalojë në parlament.
Gjatë seancës u dëgjuan vetëm dy zëra që dolën kundër këtij poshtërimi publik dhe që nuk ishin pjesë e rreshtores së Ramës, ata ishin deputeti Ralf Gjoni dhe deputetja Rudina Hajdari, të cilët kërkuan që të bëhej transparencë mbi këtë marrëveshje.
Por përgjigja e kreut të Kuvendit gramoz Ruçi ishte sa qesharake aq edhe tallëse, pasi ju kërkoi deputetëve që fillimisht të votojnë marrëveshjen dhe me detajet të njohen më vonë në komisionet parlamentare.
Të ruhemi nga ‘armiqtë e jashtëm dhe të brendshëm’ është motoja e qeverisjes së të majtës shqiptare, pasi përveç liderit askush tjetër nuk duhet të ketë informacion për vaksinën, origjinën e saj, apo dhe detajet e amrrëveshjes së një vaksine e cila në fund të fundit do të ‘qëllojë’ mbi trupat e shqiptarëve. /Boldnews.al
