BE dhe SHBA kërkojnë lirimin e kritikut Alexei Navalny

Shtetet e Bashkuara dhe disa qeveri evropiane kanë kërkuar lirimin e politikanit të opozitës Alexei Navalny nga paraburgimi rus.

44-vjeçari Navalny u arrestua nga policia menjëherë pasi udhëtoi nga Gjermania dhe mbërriti në Moskë të dielën.

Aktivisti po kthehej në vend, pesë muaj pasi u helmua me agjent nervor, për të cilin ai fajësoi autoritetet ruse.

Qeveria e Presidentit Vladimir Putin mohon helmimin e Navalny, por pohimet e politikanit të opozitës janë mbështetur nga raportet e gazetarëve hulumtues.

Duke reaguar ndaj arrestimit të tij, SHBA dhe BE bënë thirrje që Navalny, një kritik i Presidentit Putin të lirohej.

Sekretari i Shtetit i SHBA, Mike Pompeo, tha se autoritetet ruse po përpiqeshin t’i mbyllnin gojën kritikëve të tyre. Ai bëri thirrje për “lirimin e menjëhershëm dhe të pakushtëzuar” të Navalny.

LEXO EDHE  Ish-presidenti Sarkozy u arrestua për korrupsion/ Gruaja e tij poston foton intime dhe jep mesazhin…

Këshilltari i ardhshëm i sigurimit kombëtar të presidentit të zgjedhur Joe Biden shpërtheu me një ton të ngjashëm.

“Sulmet e Kremlinit ndaj Z. Navalny nuk janë thjesht një shkelje e të drejtave të njeriut, por një ofendim ndaj popullit rus që dëshiron të dëgjohet zëri i tyre,” tha Jake Sullivan.

Jo më pak i ashpër ishte dhe reagimi nga Bashkimi Evropian. Franca, Italia dhe presidenti i Këshillit Evropian, Charles Michel, kanë bërë apel për lirimin e Navalny.

Në deklaratën e saj, qeveria e Mbretërisë së Bashkuar tha se ishte “thellësisht e shqetësuar” nga arrestimi i Navalny, duke shtuar: “Në vend që të përndjekin viktimën e këtij krimi të tmerrshëm, autoritetet ruse duhet të hetojnë se si një armë kimike u përdor në tokën ruse”.