Morën vaksinën Pfizer, 13 persona pësojnë paralizë në fytyrë

13 persona në Izrael kanë përjetuar paralizë të lehtë të fytyrës si efekt anësor pas marrjes së vaksinës kundër Covid-19. Sipas Ministrisë së Shëndetësisë në vend, besohet se numri i rasteve mund të jetë më i lartë.

Zyrtarët shëndetësorë kanë ngritur pyetjen nëse duhet ose jo të merret doza e dytë për këta individë, shkruan The Jerusalem Post.

“Për të paktën 28 ​​orë kam ecur me paralizën e fytyrës,” tha një person që kishte pësuar  efektin anësor.

Sa i përket marrjes së dozës së dytë, ai pranon se është i pavendosur, por thotë se është e rëndësishme të theksohet se kjo është diçka e rrallë dhe nuk dua që njerëzit të shmangin vaksinimin.

LEXO EDHE  Turqia ‘pushtohet’ nga moti i keq/ Dhjetëra të zhdukur, disa rajone nën ujë (Foto)

Ministria e Shëndetësisë deklaroi se doza e dytë duhet të jepet vetëm nëse kalon paraliza. Izraeli është përshëndetur për programin e tij të shpejtë dhe efikas të vaksinimit në masë, që ka vaksinuar 20 për qind të popullsisë së vendit që me nisjen e programit në fund të dhjetorit.