Gatishmëria dhe masat e sigurisë pranë Kapitolit në SHBA janë maksimale. CNN raporton se një person i armatosur është arrestuar teksa u përpoq që të kalonte një nga disa pikat e kontrollit pranë Kapitolit.
Policia gjatë kontrollit i gjeti një armë dhe më shumë se 500 plumba.
Në rrethana normale, inaugurimi i presidentit të ri të SHBA në 20 Janar është një mundësi për qindra mijëra amerikanë nga të gjitha shtetet të dynden në Uashington për të marrë pjesë në ceremoni.
Por këtë vit festimi do të jetë ndryshe pas asaj që ndodhi në datë 6 janar, ku mbështetësit e Donald Trump pushtuan Kongresin.
Në ceremoninë e betimit të Joe Biden do të lejohen vetëm ata me akreditim të veçantë, ndërsa zona do të jetë e rrethuar nga mijëra ushtarë.
