Partizani fitoi në Korçë me rezultatin 2-1 në kuadër të javës së 14-të të Superiores. Në këtë takim spikati Jasir Asani, i cili arriti të jepte dy asiste përkatësisht për Bardhin dhe Solomon.
Terreni i rënduar nga dëbora nuk u lejoi skuadrave të jepnin më të mirën e tyre, megjithatë para sfidës kishte pak vend edhe për batuta nga lojtarët e kuq. Është Jasir Asani që ka marrë një copë dëborë duke e përdorur si karton në formë ndëshkimi për shokun e skuadrës, Esin Hakaj.
“Jashtë dhe pusho tani. Bëhu gati për një tjetër luftë, ne kurrë nuk humbim vëlla”, shkruan Asani në rrjetet sociale duke iu referuar derbit që do të luhet të enjten e javës së ardhshme, në orën 18:00, në stadiumin “Elbasan Arena”. /Newsport.al
