Rejhan Bellani është një djalë 14-vjeçar me origjinë nga Kosova, i cili është lindur dhe rritur në Suedi.
Rejhan ka marrë pjesë në kompeticionet artistike për fëmijë në Suedi, ku zëri i tij ka spikatur që në moshë të vogël. Por, emri dhe zëri i Rejhan nuk mbetën më të panjohur, sapo ai mori pjesë në ‘Talang’ në Suedi, ku la pa fjalë jurinë suedeze më zërin dhe vokalin muzikor.
Teksa tregon për jetën e tij, Rejhan thekson se muzikën e ka pasion dhe pse nuk ka studiuar në një shkollë muzike. Dëshira e tij më madhe është të arrijë në finale.
Ai ndihet krenar për vendlindjen e babit të tij Kosovën dhe do t’i tregojë botës se Kosova është një shtet i ri dhe i vogël por ka shumë talente ndërkombëtare.
