Policia gjermane ka qëlluar ndaj një personi që dyshohet se ishte i armatosur. Ngjarja ka ndodhur në aeroportin Ndërkombëtar të Frankfurtit.
Një foto, ku duhet një burrë i shtrirë në tokë dhe një polic me armë në dorë, është publikuar nga mediat e huaja por nuk bëhet me dije asnjë detaj tjetër.
“Për shkak të një operacioni policor, terminali 1 dhe stacioni i trenit janë të mbyllura në Aeroportin e Frankfurtit. Udhëtarëve u kërkohet të ndjekin udhëzimet e stafit të sigurisë. Si rezultat, mund të ketë vonesa, prandaj kontrolloni statusin e fluturimit paraprakisht në faqen e internetit të linjës ajrore. Do t’ju mbajmë të informuar sa më shpejt”, thuhet në njoftimin e Aeroportit të Frankfurtit.
