Partizani triumfoi me rezultatin 2-1 në transfertë kundër Skënderbeut, e vlefshme për javën e 14-të në Kategorinë Superiore.
Ky takim është luajtur në kushte jo fort të favorshme për shkak të reshjeve të dendura të dëborës që kishin mbuluar fushën e lojës por skuadrat dhe zyrtarët e ndeshjes vendosën që takimi të zhvillohej.
Për tu rikthyer te ngjarjet në fushën e lojës, “të kuqtë” e nisën vrullshëm ndeshjen duke shënuar dy herë brenda 7-të minutave Fillimisht ishte Jurgen Bardhi i cili hapi serinë e golave, në minutën e 3-të të takimit, ndërsa Solomon me një goditje nga brenda zonës shënon me kokë.
Në pjesën e dytë, korçarët shkurtuan diferencat me anë të Alfred Mensah në minutën e 65-të. Pas një harkimi nga këndi nga ana e Zguros, Mensah godet saktë me kokë, duke rihapur sfidën.
Gjithsesi, në fund rezultati nuk ndryshoi dhe Partizani rikthehet kështu te fitorja pas 2 takimeve. Ekipi i Dajës rimerr vendin e dytë në kuotën e 23-pikëve po aq sa edhe Teuta por me “Djemtë e Detit” me golaverazh më inferior.
