Moti me reshje dëbore dhe ngrica ka sjellë vështirësimin e qarkullimit të automjeteve. Autoriteti Rrugor Shqiptar rekomandon përdorimin e zinxhirëve në rast drejtimi të mjetit në disa akse.
ARRSH bën me dije se gjatë natës ka pasur reshje me intensitet të ulët në veri, në juglindje, në akset e Dajtit, në Llogara, ku është punuar me shpërndarjen e kripës dhe me mjetet borëpastruese. Qarkullimi kryhet pa probleme
Gjatë orëve të para të mëngjesit, rekomandohet që kalimi të bëhet me zinxhirë për shkak të ngricave në akset: Qafë Bualli-Krastë, Ura e Cerenecit-Klenjë, Nikollare-Strelcë, Qafë Priskë-Qafë Mollë.
“Drejtuesit e mjeteve të tregohen të kujdesshëm, të reduktojnë shpejtësinë, të respektojnë sinjalistikën rrugore, të pajisen me goma dimërore dhe zinxhirë”, apelon ARRSH.
