Vllaznia ka marrë një fitore të rëndësishme ndaj Kukësit në transfertë me rezultatin 0-1. Kuqeblutë fituan ndaj verilindorëve dhe siguruan 3 pikët e radhës duke ruajtur diferencën prej 9 pikësh me ndjekësin më të afërt.
Goli i vetëm i sfidës u shënua nga sulmuesi Arlind Kalaja. Shkodrani zëvendësonte Ardit Hoxhajn dhe e shpërbleu besimin e stafit teknik. Një gol që u shënua në fillimin e pjesës së dytë dhe kishte protagonist edhe Herald Markun, i cili goditi fort dhe portieri Tafa nuk e kontrolloi dot topin.
Kukësi, që pësoi humbjen e katërt radhazi në kampionat, iu afrua barazimit në minutën e 70-të, kur Hetemaj brenda zonës goditi shtyllën pingule. Vllaznia me fat në atë moment, por dominuese në përgjithësi. Në fund fitoi me meritë.
Nga ana tjetër, fitore arriti edhe ndjekësja më e afërt e Vllaznisë pikërisht Teuta. “Djemtë e Detit” mundën në shtëpi Bylisin me rezultatin 2-0. Lorenco Vila ishte ai që zhbllokoi ndeshjen në “Niko Dovana”, kurse Renato Spahiu në të 41’ nuk shënoi i vetëm me portierin e vendasve. Në pjesën e dytë Ildi Gruda realizoi edhe golin e qetësisë për Teutën.
Kaq ishte mjaftueshëm, që durrsakët të festonin triumfin dhe marrjen e tre pikëve.
